信者得救

信者得救 (緊係唔係講緊信主啦!!!)

上篇講關於開竅之後，間接多左唔同既「體驗」

但今次講我經驗之前，先講講我近排既遭遇先!!!

我之前個份工，同依加份工就有超超超親身接觸

先講依加份工，我公司係一個廿人既寫字樓，人唔太多

因為我地做DESIGN架, 所以坐位都係跟機坐(影印機<---廢氣排放機)

因為人少，唔會好似其他同事咁坐到密質質

咁好自然依個得2個戊李嘅部門
地理位置上就比人杯葛

好自然會一邊係夏威夷，另一邊係冰島

其實咁都無乜所謂，自己靜靜地做自己野咪仲好囉，YEAH!!!

( -..-“……依個係初初黎做野既諗法…)

之後過左幾個月後既諗法……我頂!!!!!!!!!!!!!!

乜鬼野鬼地方咁污穢架，我真係專心唔到做野囉!!!

我地分別稱呼兩位朋友叫 X軸 同 Y軸

點解用數學 x y 軸黎專稱佢地呢??
咪因為一位只會左右行，另一位就向前後行 =..=”

初頭同事K都唔信架，不過唔信嘅後果係......後來佢都撞到正

仲有幾次係我地一齊EYE contact左「x」「y」兩位朋友大哥添!!

唔到我地唔信邪，我一向都見慣，只會覺得有野走來走去

但喺有一劑我[Hea]到訓左，同事k就做緊野

事情個經過係咁
當時我自己個感覺：

眼前有一陣白光喺由我後面高速衝向我旁邊

(佢個速度就好似坐車，側跟有架電單車片過)

令我諗起舊時聽收音機，靈異主持接聽聽眾電話
內容係話...

佢夜晚坐車個陣
喺高速公路見到佢架車旁邊有架電單車
個司機後坐位 有個女仔乘客無頭盔已經怪怪地......

D頭髮仲要係唔郁架......(加d幻想力諗下有無可能頭髮唔郁) 

(依加係零晨2點幾，打BLOG打到好似講鬼故咁,好鬼寒……)

講番正題，見同比野嚇係兩樣野，個一刻都咪話唔驚呀

即刻醒晒令過去望住我同事，同事k:我見到有白影衝入老闆間房(個一刻房門係無開…)

大家沉默左......

加上我地之後仲要發覺左，附近牆身有d不明物體!!

之後接住落，我地見到好多劑，仲要比野搞搞震
k比人掂，我就...... -..-"

......我講真架，好認真...絕對唔係為左搞笑而吹d笑料出黎架

尤其係有『紅外線靜止式防盜鎖門裝置』才顯得恐佈
(p.s.紅外線偵測全世界靜止下先可以進行鎖門程序...)
有時公司走淨我地2個，鎖門都鎖唔到

遲d再講我點見法，有乜野類型，仲有點樣比「野」撩交打……

(自身經歷,內容無從稽考,信則有,不信則無)

平生不作虧心事 夜半敲門好鬼驚!

平生常作虧心事 夜半敲門攞你命!

一遊:『　請不要作商業用途，一遊歡迎文章圖片轉載，請列明出處，
支持作者心血及本地創作，thanks　』

如果覺得好既話，按一下讚分享文章啦!!