父親大人，你好!!

父親節尋日就剛剛過左啦
今年就同往年唔同左D，相對比較特別少少

係因為我照顧左份禮物「半年啦!!」

係乜東東!! 咪就係--->

嘿嘿~賣個關子
睇落去咪知囉!!

------------------------------------------------------------
話說其實我無諗住送依樣野架~

(嚴肅…吞口水) 同份禮物相遇，可以講係一種緣份 ~◕‿◕

講番上黎，已經係年頭嘅事

某某日我如常番工，咁食晝仔個陣，後街同平日唔同
多左架流動賣野嘅貨車

唔知你地有無遇過呢? 知唔知我見到嘅係賣乜野呢?

登 ! 登 ! 登 ! 登 ! 咪就係~~~賣盆栽既流動貨車囉!!!

其實周不時都會有依D流動貨車賣花花草草!

我之前就遇過好幾次．但公司附近遇到就真係第一次!

唔知點解!?依D車一喺度，一定一堆人鍾過去
就好似有錢派咁~

咁好奇心態之下，咪走過去睇下乜東東啦~

咁我本身就鍾意種下花花草草，不過呢...
要照顧住屋企個堆「懶惰嘅人類生物」

所以就戒左好耐囉

唔睇由自可...遇到心頭好，好尷尬…………………

……不過…最後都係買左 ． ．．．．．．．．．．(￣Д￣)

...........好別緻既「茶花盆景」

唔買都買左咯…唔緊要啦……
諗真d...其實都緊要…   都估計到應該會演變成……

麻煩野仲陸續有黎……(中途有一段小插曲)

盆栽檔主: 多謝晒!!65蚊

一遊: 係!係!……係!……………係!……………………唔好意思，我爭8毫子

(銀包貧血性長期病患者…)

我FEEL到檔主個一刻覺得我「你係咪玩嘢呀」…

雖然最後都係買左………不過都係一波三折呀………´･ _･`

賣完囉  番到去公司，第一件事緊係睇下個戰利品啦

但勢估唔到，點會估到演變成……咁…╮(︶︿︶)╭

「妖!!!你估我一定放公司咩!!!

發你既夢啦!!!你估我會咁好心做公司綠化大使咩!」(心諗)

終於番到屋企啦，結果同想像中差唔多~

不過係~~

一切都好似之前估嘅反應之咁

不過呢，凡事都有估唔到既時侯
就係佢額外...加多左句...收歸國有姐...

緊係無可能「收歸國有」啦
經過同老婆大人幾番舌戰，好辛苦先由惡魔手中將將佢搶救出黎!!!

仲要估唔到維持佢生命都有難度，都係自己衰!!
唔識種學人種，初初試過令佢得番10幾塊葉喳　￣□￣|||

好彩仲有時間補救先可以令佢起死回生...

估唔到一份父親節禮物都可以搞咁多野!!

父親……大人
你知唔知你個仔為左顧住份禮物，連得番幾多塊葉都數過呀……




子．成家立室與父距千里
父．思念之情與子不分離
父子心，連繫深，猶如刻烙於心坎
子成父，子憶父蔭童年時，猶如昨天少年心

『 一遊 歡迎圖文轉載，請列明出處，支持作者心血及本地創作
請不要作商業用途，thanks ! 』

嘿~嘿~覺得好既話，盡情襟「讚」分享文章啦!!