電腦身心失調症侯群

寫blog寫呀寫，都寫左成個月有多

得閒就不停寫! 但係，總係覺得越寫越「甘」!

你問我點解!?
查實咪就係我部電腦已經六歲囉!!
歲月不饒人
唔驚唔覺佢已經成個人瑞咁 lu~

加上我EQ都係得六歲喳
再咁落去成日死機真係唔掂

係時間送佢見耶穌~~＃￣▽￣＃

死機、停畫面已經夠晒討厭!!
仲有呀.仲有呀.好多時我寫緊個陣

總會比d死「口靚」仔......手多多(講起就一肚氣!!)

…(成日扮到路人甲咁)我篤!!!!!
......寫緊篇稿就咁「玩完」


最衰格係佢既連鎖反應...

趙完就鬆...依加野真係火都嚟!!

就算無意外事故，都有機件故障自動關機…

吔!!!!!又要再重新畫過D插圖啦!!!!索性殺左我喇!!!

就算我點長期經濟低迷，最後都決定---->忍痛「換!!」

我依部老爺架生，其實都係上年代既產物~~

就算中途入急症室，就算得到各方好友雪中送炭，換左d硬件

最後都係吊命吊多一陣  ╯口╰

(究極心魔：)…面對現實…買過部啦…無謂寫BLOG成日祈禱部腦唔好死啦…

就係咁~~~~~~~~~~~~~

等阿等阿終於等到星期六
放工時間一到，就好似細路去學校旅行咁興奮
一支箭 <9秒9>衝去深水埗黃金「買電腦」

平時揀左電腦，都會自已郁手砌
但係今次都費時煩嘞，比多「150大洋」比人代砌部腦

雖然依加砌機好快，但快極都要成粒鐘
話之我窮，一不做二不休，急急腳走去添置多塊繪圖板先!!

原來賣繪圖板都有D姐姐仔喺度宣傳，仲要力谷我買塊半部腦咁貴既板噃~~

話之佢著比堅尼都緊係唔中計啦!!!
...何況唔係呢........

就算佢點同我吹水，連我鍾意既畫畫依方便都照吹可也
但係，最後都只係幫襯佢買塊千蚊既板，搞到佢都勁無癮...

哇!!! WACOM呀!! 戰利品呀!!!

時間唔經唔覺咁過
話咁快就一粒鐘，係時候去回收戰利品 lu~

嘿~嘿~今次當然緊有兩手準備啦

為防止再比人再襟電腦開關掣
所以先揀依部電腦
基本上都係電腦一部，但特徵係...「開關掣」 喺機箱上面

不過今次買電腦都算好彩
遇到個好salesman，先可以買到個咁好既機箱!!!(喺度多謝個位salesman)  ￣v￣M

不過呢
估唔到既係取貨個情境…

吓……原來咁有系統架，直情好似睇街症咁架~~

原來買電腦已經進化成咁有系統架，仲要長期都有最少4個人等

仲有係，佢地原來唔再用尼龍或繩PACK比我令走…依加已經用「打帶機」啦!!

「我。絕。對。唔。係」大鄉理出省!!

辛苦左一輪，番到去緊係即刻試下啦

好…………快!!!!!呀!!!!

不愧係六核心……不過比我想像中無咁快…(好似有D雞蛋挑骨頭…)

再研究下個新腦，依加科技真係好先進呀!!

乜乜慳電程式唔係新鮮技術，但竟然有晶片支援!!

仲要有個程式可以加快 Apple I 系列產品儲電時間!!

但係，個功能真真正正發揮既功效，係釣起我心底既悲痛
其實...其實呢..講到底真正想要既係 iphone......

......雖然有左繪圖+新電腦......但我發覺我慾望無止境…

唉......下個目標都係買番部 iphone，方便影相寫BLOG啦!!

不過，講到尾...最緊要係
唔洗再喺公司偷偷摸摸寫blog......嘻嘻

知訊科技年代

越多懶人存在

『 一遊 歡迎圖文轉載，請列明出處，支持作者心血及本地創作
請不要作商業用途，thanks ! 』

嘿~嘿~覺得好既話，盡情襟「讚」分享文章啦!!