畫 ! 畫 ! 畫 ! 畫乜野吖 !

近排天口熱，日日都成3x度

莫講話寫blog，真係熱到乜mood都無


仲要搞到個人好鬼燥!!

不過就算點熱都好，為左養活一家三口

工都要照番，野都要照做
做員工嘅，緊係要盡員工既責任「Hea」番夠本先啦 ╮（￣▽￣）╭

時間就有勒~不過又無心情寫blog，真係好矛盾......

唯有另搵節目啦......

 <圖片取自網上好心人>

同事Mr. K見到我咁，就無聊講左句「同我練下素描啦~」

好喎!!......就同佢練下素描舒解吓d悶氣囉

(各位應該都未見過人番工番成咁...)

橫掂我都近十年未畫過人像素描

Mr. K又想由人像基本功練起

兩條友就咁烚吓烚吓，上網搵左個<石膏像 馬賽曲>去「揉輪」吓

"馬賽曲"

籍貫：法國

出身：歌曲命名的群雕名稱
形象：群體雕塑中的戰士

Hea就Hea得多，畫素描就真係第一劑

話咁快.......就畫左成個鐘...

不過，畫就畫左...

你睇下畫成咁，經我筆下既馬賽彷彿同我講
「你收手啦．求你唔好再畫啦 > 影衰我呀」

想用畫畫來陶冶性情 。。。 [太天真啦] ，只會越畫越興烚烚 !!

因為始終唔合我個性...
(近排睇人玩得 fruit ninja多)變成咁都係意料中事......

唔好以為我吹吓水呀，其實公司喺我兵工房嚟架!!

真係起勢斬架!!
以紙製太刀斬「紙馬賽」!!
當然斬極都斬唔爛啦。。。(≖‿ゝ≖)✧


玩完都差唔多放工lu~~
(就咁就玩左半日...)

番工日日無壓力．玩完就放工．日日喺咁生活至輕鬆~  <－－－(無可能)

『 一遊 歡迎圖文轉載，請列明出處，支持作者心血及本地創作
請不要作商業用途，thanks ! 』

嘿~嘿~覺得好既話，盡情襟「讚」分享文章啦!!