BB遊記 の 必殺技

識行識走嘅 BB最麻煩??
(查實唔係囉)係開始識講野嘅 BB先最頭痕呀!!  [不停不停咬牙切齒]

以為識行識走識講野
最起碼唔洗好似看護咁「日對夜對」啦，呼~~終於可以鬆番口氣咯~

咁諗就真係大錯特錯啦!!你只會悔不當初!

講真個句-->表面上真係可以放鬆吓嘅
所以......( ´_ゝ`)


老婆大人就出吓街鬆口氣
留低我落離對住佢嘆口氣

-----------------------------------------------------------------
依一代 D「口靚 仔」已經唔可以用我地細個個 LV去做指標咯
就好似我家「細路」咁，佢未太識講野已經「好鬼古惑」

話說，早排成家去左探嫲嫲爺爺
佢地平日已經少見個孫
佢仲要成鬼日扮可愛噃，咁一定當佢如珠如寶啦
連平日好 COOL嘅阿叔都成包 樂天熊仔餅 送比佢食

佢緊係第一時間放低手頭上玩具，用盡每一份力衝上去

之後佢都唔知食得幾滋味!!

如果咁普通既情況，我就唔會寫吖嘛
事實係依個時侯，D嫲嫲爺爺總會話「我又要食」
又總會有人和應「快 D請爺爺食啦~」

事情就係發生喺依一刻
「細路」係就係請佢地食，但係連請佢地食個方法都特別過人

咦~勁喎~佢又唔想請地食
又要請咪唯有請佢地食「賣剩蔗」囉

所以話呢，依一代醒目得未免太過離譜啩~

-------------------------------------------------------------------
直到依加，「細路」都識行識走仲要識講野(基本溝通)
老婆大人自然加倍放心　就係咁強制性交左「細路」比我睇

(我...好慘...)


佢都好耐無見 FD啦
異常興奮嘅佢只係留番一句說話比我
「今晚辛苦你啦，你放工去接 [細路] 番屋企睇緊佢啦~」

...我有應承咩....
就係咁，逆來順受....


真係話咁快就放工，外母大人好好心坐輕鐵去同我「交收」
一見面，估唔到係「細路」主動咁叫「爹地」，之後再來一個「抱」字
(我錯愕係因為
我喺父母一軟一硬既位置中係屬於強硬)

外母完成任務，真係好似「甩難」咁走
寒風中剩下我同細路，之後細路個樣都好似「甩難」咁


嗱．嗱．嗱，果然無估錯

(一睇個樣就知佢有古惑)

佢又邊會咁鬼順攤啞~
一接手抱就話「落地」......仲要加句「唔刻」
再接落離就係「唔刻．唔刻．唔刻．唔刻．唔刻．．．．．．」

擺明係搵我黎過"轎"(因係佢知佢外婆唔會輕易放行)
加多一句「唔該」就更加耐佢唔何

只係一個兩歲多嘅 BB仔已經咁識捉心理，知道自己嘅必殺技...
所以依加我家「細路」成日乜鬼野都唔該前唔該後....

仲有做「細路仔」成日都總會做錯野
少不免會比人話，如果個一刻再嘈喧巴閉
就好可能屁屁開花!!
「細路」就晨咁早領教過
所以佢依加只會眼啤啤

咪就係咁囉...
絕對唔會同你嘈咁笨!!


出到街，成日見到周圍 BB發晒癲咁發脾氣
好咪好在佢唔會咁
其他人會覺得佢好乖

查實緊係「唔係咯!!」，唔好比佢呃左呀!(家家自有本難念的經´･_･`)

『 一遊 歡迎圖文轉載，請列明出處，支持作者心血及本地創作

請不要作商業用途，thanks ! 』

嘿~嘿~覺得好既話
盡情襟「最下方 FACEBOOK 嘅讚」分享文章啦!!