BB遊記 の BB搶包山

遺傳爸爸基因嘅「細路」D曵曵野又何止咁少!!
就好似上次所提及，
嫲嫲爺爺屋企發生嘅小插曲，又邊會無下文!?

頑皮嘅佢所犯下嘅惡行又何止．小．插．曲．咁簡單......

狂風掃落葉咁無情踐踏別人家園嘅惡行，就係依D囉!!


<上次提及嘅小插曲>

ngonote.blogspot.hk/2012/12/bb.html

正所謂食飽身痕(大人叫飲飽食醉思淫慾~嘿嘿嘿)
為左要坐定定食野，對玩具個種「眼看手勿動」嘅感覺應該 百般滋味在心頭
「咦...巴..巴..士!!」
眼見叔叔房中「巴士」模型堆積如山
終於發玩左最高高在上嘅巴士
狂情大發嘅佢，忍唔住再狂性大發

處於高高在上嘅玩具對小孩子嚟講，永遠都係最吸引!!
忍無可忍嘅「細路」猶如運動健將一樣
進行 9秒9「家中搶包山」活動

......先爬床

......再爬上櫃
(如果時下對子女呵護備至至極點嘅家長，應該嚇死左)

目標發見<<裝在阿加力膠的小巴士>>

幾經辛苦終於拎到手 
唔~~~~~ 唔應該咁講...「拎到手」依個字眼形容得唔夠貼切
應該係用「搶到手」(◕‿◕)❤

依種唔理多方面阻止 
導致模型骨牌效應嘅 玉石俱焚做法
換嚟無以復加嘅慘痛結果，不過

......唔係佢自已承受
之後「細路」重要加多句 「犀利喎!!」(◕‿◕)❤
.................................................................
.................................................................

畢竟佢仲細，佢個種天真又直接嘅表現方法
做叔叔嘅可以點...´ー ´"""

「仔醜阿爸羞」嘅我當然係逃之夭夭


尷尬嘅時間過特別慢，又係時間去食飯...

食飯對人嚟講好重要架!! [正所謂民以食為天]
而相對一個餘係訓、只識食嘅兩歲「細路」，更為重視

所以佢都有一套「食飯懶人秘笈」
就係咁樣，佢今日將依套「神功」嘅其中一式施展出嚟!!

「喂!!你隻手廢架!!楂住隻碗啦!!」
「你將來用唔用隻手楂碗係你嘅事，依一刻你要學好個習慣!!」

斜視我
因為前因後果嘅關係，我再換個方法箝制吓先「......係巴士叔叔叫你聽話架...」

......WORK 喎!!
但叔叔又點會「視而不見」呀，話晒比人用黎過轎
「喂~喂~~喂，我無講過喎~」
但「細路」以為叔叔仲惱惱佢，所以「細路」用左一個柔情似水嘅眼神望住佢「微笑」

可能「搶包山事件」真係傷亡慘重...
反而轉嚟叔叔冷冷嘅一句「...我仲未原諒你喎」

估唔到依一句一出．威力「驚天動地」
從「細路」身上感受到乜野叫「死狗」
接落黎佢只係識不停咁狂「爬」飯 (仲要全程捉到個碗實一實)
老婆大人．我全家人都忍唔住「哈~哈~哈~哈......」

就係咁．渡過左一個盞鬼又溫馨嘅家庭日

『 一遊 歡迎圖文轉載，請列明出處，支持作者心血及本地創作

請不要作商業用途，thanks ! 』

嘿~嘿~覺得好既話
盡情襟「最下方 FACEBOOK 嘅讚」分享文章啦!!