BB遊記 の 佢又亂噏乜鬼野!?

自古以嚟．人類嘅文明都係建基於言語之上

雙方言語不通不論何時何地都會演變成天大問題
就如同「雞同鴨講」咁様 --->(簡稱唔同CHANNEL)
過往歷史上亦有唔少演變成 戰爭火種 嘅情況發生!!!

不過係我地屋企頂多只會......演變成「笑話一則」≖_ゝ≖

--------------------------------------------------------
話說呢．某個月黑風高嘅寒冷夜晚......


話明寒冷，天氣緊係鬼死咁凍啦
加上寒風陣陣，黃氐一族最終喺床上嘅被竇團聚

不過已經進入訓教教豬時間     ´-_-`Zzzzz


滿載野性心加上好奇心嘅「細路」
每一個晚上都難逃被迫進入訓教時間
亦逃離唔到同老婆大人佢搏鬥嘅命運 !!!

細路仔貪玩點都實屬正常
但又唔知何解!?
佢地極大部份貪玩嘅程度
竟到達唔願意訓 教教豬 嘅地步
當然，我家個隻「百厭仔」亦都唔會例外啦~

(差唔多訓著都死命咁玩......)



佢每晚，總係日日如是重覆同一個手部動作

就係每次開始訓教唔超過 3分鐘之內
總係會借勢叫「水水呀 !!」又或者「渴呀 ! 水水呀 !!」
之後比佢飲一啖啦，又總會再借勢起身
每晚都係換離同一句黃氐家訓
............................................
「你同我訓番低呀!!」
(老婆大人依句格言．已經完完全全成為小朋友訓教嘅警鐘)




今日無聊嘅我，諗住無無聊聊同佢玩番吓先

鬼叫佢咁夜都唔願訓咩，睇唔順眼咪諗住整鬼佢囉
比佢知道乜野係咁夜唔訓嘅代價啦 ~

( 嬌嗲聲>3< )
「細路......唔知點解你過左十二點就特別SEXY姐~」

「唔SEXY!!」
--->(任何唔想我地做嘅野，佢都加個"唔"字)
..................................哈...哈

...等我加把勁再整鬼佢至得 !!!


但佢唔想訓教之如，更加唔會想我阻住佢啦
死嘟難嘟咁嘟起個死人嘴，想就咁錫我一啖敷衍我走

當然緊係
妄想啦 !!!......我緊係唔會如佢所願啦 !!!
我用行動證明我嘅決心，好自然佢嘅行動相對再加倍升級啦!!
仲附帶一點點暴力添...

......隨手拎起本書就咁「車」過嚟...


「無．情．力」大都會成為小朋友嘅撒手鐗
就係咁
我個嘴．鍾個隻豬咁(仲爆缸添~)



今次佢真係贏晒啦
個嘴腫過 "安祖蓮娜" 
比你仲邊會有心情陪佢癲啞~

就係咁，之後個5分鐘雙方強制性進入休戰模式
平靜睡房再一次回復祥和氣氛

「細路」喺床上不停重覆「典來典去」
就係咁過左無幾耐，求神拜佛佢終於都快要進入休眠模式

但現實總係出現挑戰，情況又邊會咁順攤嘅呢!?
戲劇性出現嘅皮蛋，加上剛剛好嘅時間上，戲劇性出現嘅大飛蛾

皮蛋雙眼透發青光, 興奮度超過 300%!!
搞到皮蛋好似比人「啪左野」咁異常興奮「左跳跳、右跳跳」「上跳跳......仲未有下跳跳
......已經比我打到佢飛街啦

老婆亦大人忍無可忍...「皮蛋你搞乜野呀!!」

BB:「皮蛋搞野...」
.................................
.................................
.................................

唔洗講，第二朝三個都擁有--->國寶級可愛又得意嘅
「殺．死．人熊貓電眼啦」 !!!!!!!!!!!!!!!!!!

嘿~嘿~覺得好既話

請盡情襟「最下方 FACEBOOK 嘅讚」分享文章啦!!
或瀏覽 FACEBOOK專頁 www.facebook.com/ngonote

『 一遊 歡迎圖文轉載，請列明出處，支持作者心血及本地創作

請不要作商業用途，thanks ! 』