BB遊記 の 黃雨持續!?

查實呢．．．一遊都好耐無同大家見面啦~

唔知係咪喺屋企做左側量官一條佬無乜主題寫
又或者係喺屋企．．變得懶左少少．．．

不過，點都好啦，咁落去真係唔多掂喎~
好努力咁鼓起幹勁郁下隻手再寫番 BLOG
點知發覺 D 生字生疏左唔少 (特別係錯別字)
如果比大家睇到有錯別字就唔好啦
若果阿B 再大少少睇番
真係會比佢『恥笑』架  =_ゝ= """"
(你都知啦...依加D小朋友幾『變態』)

同樣，阿B 同大家都咁耐無見
佢都大過左唔少，話咁快已經步入
『戒尿片既黑暗時期!!!』

(重覆多次：佢終於有屬於自己嘅『底褲』)


時至今日嘅阿B，佢比起以前
更加放肆、更加失控、更加變態．．．
尋日嘅佢，我地仲有辦法搞得掂
今日嘅佢，已經進入．．．．．． 完全變態階段 

正所謂「道高一尺、魔高一丈」
唔係．．．唔應該咁講，依個年代依一句已經唔合時
應該改成『道高一尺、魔高十丈』
話晒對住佢，依隻馬騮仔你永遠估佢唔到有幾古惑 !!

話咁快就黎 Three-year-old 既阿B，鬼馬野層出不窮
就好似近排好巧妙咁利用佢現時年紀既語言優勢，喺最適當既時間會
『裝作不明白你說什麼!!!』又或者
   wǒ shén me dōu bù zhī dào !!!
『我什麼都不知道 !!!』

噯!!!! 吔 !!!!!! 真是「豈又此理 !!!!!!」
喺以前，用手接便便已經好似好痛苦咁 !!!
不過，依一刻已經不再值得一提!!!

「請收看"我"最近不幸嘅遭遇 ~」


話說呢~
前一排見佢著住條片，尿尿都戒得唔錯
起碼都會叫吓 "我...尿尿呀"，又或者"作勢咁表現出奇怪表情"
再唔會周地亂咁瀨，加上就快要番幼稚園囉
係時候啦，注定要放手一試

講都無咁快
佢阿婆私人醒左條印有 "佢至鐘意" 嘅圖案底褲比佢
咪就係「反斗車王」UNDERWEAR囉
阿B當然 當佢係寶咁
咁用心良苦咪就係想成效大番少少都好呀
(啞口無言苦笑)

哈．．．哈．．．無諗過連殺手鐧「反斗車王」都面臨「黃雨」
(成架車身都浸淫左係阿摩尼亞裏面... =_ゝ=)

依個時候......
都唔知自己嘅耐性喺邊度湧晒出嚟
心裏面只喺諗「冷靜．冷靜．冷靜．．．．
心裏面不停重覆「無著尿片，感覺又爽又解放，還原基本步都唔出奇．．無著尿片，感覺......
就係咁．轉吓眼就過左一個星期有多

如事者，日日如是
耐性與理智被磨練得開始進入另一個層次之際
往往此時「唔知點解，總會出現無法解釋嘅打擊令信心一瞬間永遠磨滅 !!!」

就係當你見到你前面有舊屎喺你前面滾動過
再加上，仲要見到好多屎腳印．．．
就係咁，依一刻終於要
『爆啦 !!!』

依一刻．唔好講理性
連個人理智都完完全全淹沒左喺遙遠嘅大西洋

阿B 唔蠢、同時亦都唔笨
就算再笨都知道面臨史無前例嘅重大危機 !!!
但佢年幼無知
　　　做左樣無法拯救嘅愚蠢動作

   wǒ ...shén me... dōu bù ... !!!
『我...什麼...都不... !!!』

未講完已經比我行刑啦 !!!

當然無理智之餘，原來失控個陣嘅我都仲好鬼善良

至於佢 "最後．最後個結果" 都只係全日無反斗車王睇
失縮於床邊好乖咁．唔出聲不停玩車車

至於中途呢．．．發生左乜鬼野事呢
．．．唔好問我．．．我只係記得「爹地．．．唔好呀．呀．．呀．．．呀...

((待續．．．))

嘿~嘿~覺得好既話

請盡情襟「最下方 FACEBOOK 嘅讚」分享文章啦!!
或瀏覽 FACEBOOK專頁 www.facebook.com/ngonote

『 一遊 歡迎圖文轉載，請列明出處，支持作者心血及本地創作

請不要作商業用途，thanks ! 』