中伏總會有先兆．只怪自己蠢中招(上)

和平嘅日子實在過得太悠長~
正所謂 "有人歡喜有人愁"

正當一堆人喺今日 facebook 個度
好熱鬧咁回覆、
     唔停咁去和應老婆大人『 好得戚 』嘅Post

一_ゝ一""""""

就正正代表住我今後將面對嘅生活係...

唉...係乜都好啦...
無論今日發生乜野事，地球反轉再反轉
都唔會改變到，接住落嚟嘅日子
將會係一段殘酷而又艱辛嘅歲月...

我恨不得立刻喺 facebook
                     以『 杜絕得戚 』嘅心態 PO 出
           " 今日係一個值得'哀悼'嘅日子!! "......

(鑑於小人長期屈服於佢嘅淫威之下..
我實在無依個膽量...)

講左咁耐
(我)=_ゝ= 究竟發生乜野事呢??????

------------------------------------------------------------------------
大家出嚟職場咁耐
身邊總會多左唔少各行各業嘅豬朋狗友
咁大家身邊有無投身設計界嘅朋友呢?

身為從事設計行業嘅我
身邊周不時總會聽到
         " 哇~堅架~你係做設計個行架!? "
                                     個一刻大家可能會覺得我好興香!!

所謂" 你睇我好,我睇你好~ "
" 情況當然唔係咁簡單啦 "
近依幾年，香港經濟咁不景氣
我同身邊做設計嘅弟兄姊妹
唔係比人請食魷魚，就係走得好難睇
仲要點做都唔長添~

(原因咪就係......
     細細聲話比大家聽) = _ ゝ= 

(同時再向大家宣佈~)

諗番當其時情況
知道左依個好消息嘅老婆大人
用9秒9嘅極速手機向我報佳音!!

  ＊(oo)＊ 「老公，我終於搵到工啦!!」
   ´‿ゝ`     「 係真唔係呀~咁真係可喜可賀喎~」
                   (依個係當其時嘅反應)

喂喂喂...咪住先..有d 唔對路喎...
 ´ _ ゝ`       「...咁阿B呢...佢番學個度點算呀...   」
＊(oo)＊   「唔好意思喎~我新工番八點半. 咁你要面對現實啦^^~」
 @_ゝ@    「吓......(當堂啞左)   」
                   (..依個係即時極度絕望嘅反應.....面對現實啦..一遊~)

就係咁...
從今之後...
唔通我要以代媽咪嘅身份生活落去!?

抓狂中...

就係咁
開心嘅時間過得特別快
話咁快要同爹地身份講 bye bye

「"幼稚園"開學日駕到 !! 」

身為"代媽咪"嘅我
為左更更更容易，融入佢嘅生活裏面
鬼死咁早就準時彈起身
並以一把溫柔但雄渾低沉嘅聲線叫醒佢
「起身啦..." 細路BB"~」
(...完全地無視我, 都估到啦...)
「唔該你...起身啦~......喂呀~」
(被無視嘅感覺真係唔好受)

我堅信依個感覺可以好簡單咁轉移~
．．．．．．．．．．．．．．
．．．我採取左一個
「簡單而一針見血嘅方法」" 叫醒佢 "
(...你地....有無聽過睡美人嘅故事呢... ／ ３＼ )

 英俊哥嚟啦~~~~~『公主呀』快d醒啦!!

(嘩...臭過屎坑水...佢個嘴真係好鬼臭呀......)
......意識一點一滴咁消失...

咁都仲未夠
之後仲要比佢「大大力推開兼加多句
『 嗚~你!爪爪開牙(走走開呀)! 』」


好!!! 我忍你
第一日絕對唔可以破壞我「好媽咪」嘅形象~

"嚟硬唔得，就嚟軟功先"
「咁你唔想番去搵MISS CHAN CHAN咩!!」
「你唔想問佢拎餅餅咩~」
唉...

"咁仲唔快D過黎尿尿啦、唔好賴床啦"
細路以施施然嘅速度咁行去尿塔
再以施施然嘅速度拉低條褲
但並唔係以施施然嘅速度解放!!
(又再一次周手周地都係...唉~)

踏出家門嘅距離好似好遠咁...
...講到依度都仲未可以出門口番學

(...後續)

嘿~嘿~覺得好既話

請盡情襟「最下方 FACEBOOK 嘅讚」分享文章啦!!
或瀏覽 FACEBOOK專頁 www.facebook.com/ngonote

『 一遊 歡迎圖文轉載，請列明出處，支持作者心血及本地創作

請不要作商業用途，thanks ! 』