今日番工。。。個心涼左一截

一個平凡得無得再平凡嘅下晝
"我老板"講嘅一言一語
絕對可以牽動全同事嘅情緒
絕對可以令我地個心涼左一截...

當你成為家庭嘅經濟支柱
兼主要嘅收入來源
有時責任都咪話唔大
對於飄泊嘅"失業"生活剛剛結束
當然係「滿心歡起」

小弟一向無大公司緣
寫字樓同事都只係小貓三四隻
仲要新同事多到一蘿蘿
「順風耳 + 一眼關七」
絕對係新人生存之道

------------------------------------------------------------
"百無聊賴嘅老板
閃左去出報紙廣告嘅男高層身邊
跟住就講..."
「喂，個請人廣告出左街真係吹到脹!」
(全部新同事楝起晒耳仔"專心工作")

李老板「喂~上次嚟見工好似阿嬸果個呢」
男高層「你係咪講緊長頭髮矮矮地果個呀!?」

李老板「咪就係佢囉~真係好鬼邪呀」
男高層「有幾邪呀??」
李老板「嘩~你真係唔知呀, 咪佢做到邊執到邊!!
李老板「重要係做一間"接"一間!!」

男高層「咦宜~ 唔係呀! 邪到咁!?」
李老板「咪就係囉.最邪唔係依樣呀!」
男高層「吓, 重有乜野可以邪得個依樣呀!?」

李老板「你知唔知佢叫乜名呀?? 叫朱有蘭~」
李老板「咪仆街囉~你老闆我屬豬，請著佢仲唔"豬有難"
男高層「咦宜, 好有睇頭喎~~」
男高層「話時話, 好鬼耐之前見過囉~做乜鬼突然提起佢~」
李老板「無呀! 對面個行家好鬼好生意又屬豬，咪將佢介紹比佢囉~」
。。。。。。
。。。。。。。。。
。。。。。。。。。。。。。
「呼...最後大家抹左一額汗...」
<<如有雷同 不是巧合>>

＊吹脹意思：「對此事實在無可奈何」
＊仆街意思：「失足倒在地上橫屍街頭地死去」

嘿嘿~覺得好嘅話

請盡情襟「最下方 FACEBOOK 嘅讚」分享文章啦!!
或瀏覽 Fan Pages www.facebook.com/ngonote

『 一遊 歡迎圖文轉載，並請列明出處，支持作者心血及本地創作
請不要作商業用途，thanks ! 』