BB戒片遊記

我做左爹地已經就快2年啦~

要做BB媬姆，真係唔容易
只係想像一下，大家都知又苦、又難、又麻煩
玩個陣就緊係開心啦，照顧佢起居飲食就難頂至真啦

有邊個照顧過小朋友嘅爹地媽咪，未試過掂到佢地d屎，甚至接住...
做父母試過嘅當然知係乜野感受，未試過嘅一遊祝你地好運

想有小朋友嘅，未經歷過辛酸，固然都會驚定先
照顧過小朋友嘅，亦都好難唔繼續再驚落去...
都唔好話計較養一個小朋友要四百萬!! $＾$

如果想要有回報嘅心態去養小朋友
真係要諗清楚...唔係就恨錯難返

-------------------------------------------------------------------------
最難頂個頭三個月夜奶期，已經過去左一段時間
但係，自從佢識行以後，話咁快就進入第二個「麻煩」階段
雖然係自己個仔，但感覺就好似一步步慢慢步入「斷頭台」

屎,我都無諗個點同佢戎
尿,......依加就領教緊啦

自已痾就痾得多，但自己點戎尿又點會記得呀...
唉...頂硬上，唯有照幫佢戎啦

我比較好彩，「細路」鍾意乾淨
因為佢仲係牙牙學語，所以會用盡一切方法話比我地聽佢想痾尿

<好多時都忍唔住兜面噴!!>

就算好彩，捕到佢幾時想痾尿
幫佢痾都真係唔係咁好玩，
痾到慣晒都可以照出事，

你地都唔知道...細路仔有幾鬼鍾意玩水...

好似發夢咁，好快就戎左
亦都好似發夢咁，好快就重新同佢戎多劑
咪就係因為唔好彩囉，個一排佢長期肚痾!!!
痾慣左又點會記得點戎......
(小朋友記性唔好．好快就忘記剛學會嘅技能)

苦．中．作．樂 T＾T
又一次見到佢「搞鬼」既表情，真係好好笑

丁起單腳指住雞雞，感覺...好奇妙
接落離，欣賞奇妙嘅結果...
自然係...要幫佢洗底褲啦，感覺...好悲壯...´･ _･`

成打底褲掛起離...都唔知好笑定好嬲!!


佢其實已經好努力，就算佢本人點想戎片都好，上天點都好似要比d試煉佢
本來都唔發覺，但重新戎多次先知「好唔對路!!」
雖然唔知係咪膀胱未發育，但似足佢阿媽，「忍尿能力超弱」
不過佢仲衰，每15分鐘就去一次...點戎呀!!!

天呀!!! 努力中...

『 一遊 歡迎圖文轉載，請列明出處，支持作者心血及本地創作

請不要作商業用途，thanks ! 』

嘿~嘿~覺得好既話，盡情襟「讚」分享文章啦!!