爹地你值幾多分...

照顧小朋友付出嘅心血，之前又邊會想像到
自從有左「細路」之後，生活直情360度改變
<婚前完美想像圖>

 就好似
「從來不知道手握便便嘅感覺竟然係咁惡心」

(可於http://ngonote.blogspot.hk/2012/08/bb.html實情回顧)
不過諗番轉頭都算係 芝麻綠豆咁嘅小事
因為依d都係 一瞬即逝 嘅痛苦

講到至慘 至慘嘅 莫過於 「生一個，揍兩個」

當依邊老婆大人叫你一聲  [耶~~老公]，以為爽晒啦
個邊阿仔叫你一聲 [爹...爹爹地...]，以為幸福晒啦
但係，你地又知唔知道個代價呢??


------------------------------------------------------
想當年，大家新婚 甜到 sweet sweet 既時侯

老婆大人有意無意嘅一句：我想有我地嘅小朋友呀
我：好呀~
...............................................................
...............................................................
我：乜乜...乜野話!?

突襲......突襲......

直情感覺係，兜口兜面比人狠狠桶一刀

一切已經太遲啦，正所謂金口已開好難收
轉吓頭，已經(燉)多左一件

將來嘅唔講，但係依加真係「一切也完了」
嗚~~嗚~雖然都係心甘命抵，但係好．好．好矛盾......

咁講番正題啦，究竟點解會「 一次過揍兩個 」!?

其實對我黎講好正常，因為依個情況每日都有發生咁滯

就好似上星期食餐飯咁...

老婆大人：「你切d豬扒比阿細路食啦。」
一遊：「係...係嘅...」
.............................................................................
切呀切.去到差唔多切完之後
............................................................................
老婆大人：「我依加要餵佢食，你切完就幫手切我個份啦」
一遊：「係...係...」
老婆大人：「唔洗切咁細粒啦，你直接餵我食啦」
一遊：「吓.....係嘅係嘅......(豈有此理!!)」

今舖又輪到阿仔啦，食到咁上吓又扭計唔食，當然要出手引佢食啦

首先要做嘅，就係d奇怪搞笑動作引佢開心，再黎就係扮食野令佢食野
仲要超誇張咁.....................呀~~~mum mum呀(大大聲+表情同時附上)
哎吔呀~~~~~慘啦，連我都覺得自已成個「死傻仔」咁添.

做完好多 傻仔戲 之後
呼~~食完啦，終於都食完啦

飲飽食夠有精神
。。。。。。阿仔自然好有精力，緊係即刻想玩啦
嘟起塊面要我同佢一齊跟住做，唔做佢一定唔「高興」
◎−◎？點解d小朋友總係鍾意「強人所難」姐!!

換黎嘅代價，緊係避免唔到週圍嘅奇異目光「啤住」啦
「個條友做乜鬼架......同小朋友玩都唔洗咁架」佢地一定喺度咁諗....

慣啦.......都睇淡晒啦......

(好灰呀......)
唉...喺時候走啦，番屋企啦......
剛剛學識行無耐既佢，番屋企段路都可以成為一種樂趣

正正常常行，我緊係無所謂架
但佢要我同佢倒後行，就絕對係另一回事﹗﹗﹗

我仲要彎低身添，之後咪變成

路人甲：「條友做乜野隊起屎忽倒車呀...」

慣啦.......都睇淡左啦...... x2


好死唔死途中仲要見到小花貓.......好不祥嘅預感.....

『貓係香港最常見既路人甲，小朋友見到一定好開心，仲會發揮佢既模仿能力』

弊就弊在佢發唔到音變成
「咩~~咩~~(拉長聲)」

之後再黎就係用天真既表情，表示要我地都照住佢一齊叫......
老婆大人：「快d同佢一齊開心啦...(佢笑淫淫)」
一遊：「咩.....咩...」
.......................................................
今次變成路人甲、乙、丙、丁、茂
成街人望住我

<一個拖住細路仔既大人倒帶向後行，之後仲要發出咩咩聲」
你地估下d路人會點諗呢?

「我受夠啦!!!!!!」
---------->依個諗法.....只係維持左0.99秒......就煙消雲散


因為以前接受唔到嘅，依加都變成習以為常
怪唔知得人地話「人越大，面皮越厚」

『 一遊 歡迎圖文轉載，請列明出處，支持作者心血及本地創作

請不要作商業用途，thanks ! 』

嘿~嘿~覺得好既話，盡情襟「最下方嘅讚」分享文章啦!!