BB遊記 の 傻仔與型仔

傻仔與型仔
我堅信只係一線之差

處於腦部仲係發育緊嘅小朋友
不停又不停咁做同一個動作
我相信，佢個一刻
係好享受，兼帶有炫耀自己嘅衝動

不過，對於睇到依一幕嘅大人
通常都會話：
「。。。佢真係好傻
又或者之後接住落加多句：
「佢好天真。。。」

話說當日嘅情況係咁。。。

好似平日一樣

放左工，兼比人「遭側」左成日

終於都有機會喺外母度食完飽飽

行嘅，又係平時個一條歸家路

不過

依段短短十五分鐘嘅路程

對於我地一家人黎講

係最有溝通、最甜蜜嘅時間

當然亦係阿B「最抗奮嘅Magic Time~」

話晒佢都只係一個

成日都無見過媽咪爹D嘅三歲小朋友

處於抗奮時間嘅阿B

往往都會做出好多奇怪
而又搞笑嘅舉動

佢個一刻

應該連佢自己都唔知做緊乜 ´_ゝ`''' 

睇佢擰轉頭個奸笑

都知佢今輪...
似乎又係學校度學到新嘅奇怪野

唔好以為佢"求求奇奇"做完就算喎

睇多幾眼
你就會發現原來係好有規律架

[招式一]．擺出御敵對陣招式

[招式二]．單腳踏前大力"DOM"地...簡稱「靠嚇」

[招式三]．．．轉身"型"敵

當然

整個過程都一丁點都唔嚴肅

。。。仲要面帶笑容添...

『。。。真係好難忍得住唔笑』

對於引起左我地嘅注意
兼得到我地笑聲嘅回響

"佢"當然就更加賣力

更加......"放次"

除左再接再厲之餘

同時加速左自身嘅旋轉力

同持續性...

演變成...

咁大動作，又邊止我地兩公婆睇到呀...

對於路人甲乙兩丁戊己庚辛壬癸嘅反應

喺「舞台上嘅阿B」眼中

直情將佢演變成一種嘉許

回家路上
步行俓嘅每一段路

往往會有一D石造嘅柱躉

實質上我都唔知有乜用途

不過依一刻就一定有用途

。。。"佢"索性就地取材

『抱．住．佢』

對於佢依個"異常"嘅舉動
某某路人忍唔住

以『更大』嘅反應笑左出黎!!
正正因為咁
造就左佢更『落力演出』
對其他 "柱" 不停 "狂抱"
。。去到。咁嘅地步
真係無眼屎乾淨

正當佢雄心壯志
而依件事去亦都到左白熱化嘅地步
突然!!

『哇! 哇呀! 哎吔! 哇! 乜野黎架!!
爹D呀!!』

突如其來嘅變化
連我地都真係驚發生乜野事
「阿B!! 唔洗驚!! 等我!! 我地即刻過黎!! 唔洗驚呀!!」
九秒九秒都覺得慢嘅速度
筆直咁衝左過去

「你無事呀!! 你見乜呀!?」
『好驚呀!! 嗚~』佢當時仲喊緊
「咁你見到乜呀，講啦!」
『嗚~嗚~ 有青蛙呀~』

依個就係我當時個表情

「。。。等我睇過」
『嗚~嗚~』

巡住佢指嘅方向一眼望過去
。。。。。
。。。。
。。。
。

青蛙就無啦
只係見到一塊又皺又醜又乾涸嘅"樹葉"
伏左係碌柱旁

個一刻仲聽到佢講『 有青蛙呀~』
真係有D燥...
「唉~你睇乜黎~ 係樹葉黎炸~」
『 唔。唔。唔係呀~係青蛙呀~』

處於極度驚嚇嘅佢，睇黎乜都聽唔入耳
伸出強勁嘅臂彎
洗出無情力
索性捉住佢"強迫"佢鐘埋去睇

「你睇下，究竟係青蛙定係樹葉!?」

咁嘅情況之下
似乎佢都知道自己做左傻仔

就係依個原因
之後佢一見到樹葉就。。。

嘿嘿~覺得好嘅話

請盡情襟「最下方 FACEBOOK 嘅讚」分享文章啦!!
或瀏覽 Fan Pages www.facebook.com/ngonote

『 一遊 歡迎圖文轉載，並請列明出處，支持作者心血及本地創作
請不要作商業用途，thanks ! 』